"Ҳикматлар ва ҳикоятлар" китоби ўрта асрларда Шомда яшаб, ижод этган йирик аллома Абулфараж (1226–1286) қаламига мансубдир. Фалсафа, тарих, диншунослик, тилшунослик, астрономия ва тиббиёт соҳаларидаги илмий асарлари билан машҳур бўлган бу олим ҳикмат ва ҳикоятлар тўплаш билан ҳам шуғулланган. Мазкур тўпламда турли дин, миллат ва касб вакиллари бўлган оқил кишиларнинг ҳаётидаги ибратли ҳикматлар келтирилган.

Таниқли адибнинг она табиатга, халқ дардига муносабатини журъат ва ёрқин маҳорат билан акс эттирган эсселари ўқувчиларга анчадан буён манзур. Лекин бу китоб фақат «ўқийдиганлар» учун эмас, балки Орол фожеасига бефарқ қарамайдиган ва уқиб ўқийдиган инсонларга мулжалланган.
Айниқса, етакчи жаҳон тилларида чоп этилган «Оролим дардим менинг», «Оролим орим менинг эсселари ўзбек тилида тўла ҳолида илк бор чоп этилмоқда

Артур Конан Дойл (1859 1930) - инглиз ёзувчиси, мутафаккир ва публицист, тиббиёт ва хукук фанлари доктори, жаҳон адабиётида детектив ва саргузашт жанрларининг беназир билимдони сифатида танилган машҳур адиб.
Ижодини "Сэсасса водийсининг сири" (1879) хикояси билан бошлаган. Конан Дойлга бош қаҳрамони изкувар Шерлок Холмс бўлган детектив жанрдаги "Баскервиллар ити", "Даҳшатлар водийси" саргузашт киссалари ва "Шерлок Холмс саргузаштлари" ҳикоялар тўпламлари беқиёс шуҳрат келтирган.
Артур Конан Дойлнинг эътиборингизга ҳавола этилаётган "Машхур изкувар Шерлок Холмснинг сунгги саргузаштлари" ва бир катор детектив, психологик ва тарихий хикоялари мазкур адабий жанрлар соҳасида калам тебратувчи адиблар орасида у чиндан ҳам устоз макомида эканлигининг исботидир

Ismatulla Mamanovning “Kafan kiygan kelin” asari inson vijdoni, poklik va gunoh tushunchalarini falsafiy va ruhiy jihatdan yorituvchi badiiy hikoyadir. Asarda jamiyatdagi ma’naviy inqiroz, odamlarning ikkiyuzlamachiligi hamda insonning o‘z nafsiga qarshi kurashi tasvirlanadi. “Kafan kiygan kelin” obrazi hayot va o‘lim, gunoh va tavba o‘rtasidagi nozik chegarani ifodalovchi ramziy timsol sifatida gavdalanadi. Asar o‘quvchini insoniylik, halollik va ruhiy poklanish haqida chuqur o‘ylashga undaydi.