yangi adabiyotlar
Janrlar
Teglar
Eng ko'p o'qiladigan adabiyotlar
Mo'ttivoymisan, mittivoymisan?
Anvar Obidjon
Mo'ttivoy haqidagi qissa O‘zbekiston xalq shoiri Anvar Obidjonning yangi bitilgan asarlaridan hisoblansa-da, yosh kitobxonlarga yoqib qolgani bois, qisqa vaqt ichida bir necha bor nashr etildi.
Tabiat va undagi barcha jonzotni sevishga, asrab-avaylashga chorlovchi ushbu qissa ichakuzdi voqealarga juda boy, asar qahramonidan tortib, uning atrofidagi boshqa ishtirokchilarning har biri o ‘xshashi yo‘q xislatga, fe'l-atvorga ega va shunisi bilan o‘quvchining yodiga mustahkam o'rnasha oladi.
Ushbu asarning Mo‘ttivoyi kitobsevar bolalar uchun bundan keyin ham Shum bola, Hoshimjon, Buratino, Maugli singari sevimli qahramonlardan biri bo'lib qo'laverishiga shak-shubha yo‘q.
- 31
- 116
Ot kishnagan oqshom
Tog'ay Murod
Tog‘ay Murodning asarlarini nasrdagi poeziya deyishadi. Uning poetik til bilan yozilgan “Ot kishnagan oqshom” qissasini o‘qisangiz bunga yana bir bora amin bo‘lasiz. Ular she’rday o‘qiladi, katta bir asardek taassurot qoldiradi. “Oti bor odamning qanoti bor” deydi yozuvchi. Yozuvchining badiiy mahorati, jonivor bilan o‘zaro suhbatlashuv uslubi asar oxirigacha sizni o‘zidan uzoqlashtirmaydi.
- 33
- 85
Boburiylar sulolasi
Mahmudjan Nuriddinov
Risola tariximizning eng yorqin, shu bilan birga kam o‘rganilgan sahifalaridan hisoblangan Temuriylar sulolasi tarixining bir qismini yoritishga bag‘ishlangan. Ma’lumki, mazkur sulola dunyodagi umummusulmon sulolalari ichida eng uzoq umr ko'rgan, katta tarixiy davrni qamrab olgan sulola hisoblanadi.
Agar Amir Temur hukmronligi 1370 yildan boshlangan bo'lsa, undan keyingi Temuriylar avlodi "ota-bola" zanjirini hosil qilib, bu zanjirning eng oxirgi halqasi bo‘lmish Sirojiddin Bahodirshoh II Hindistondagi Boburiylar davlatida 1857 yilda inglizlar tomonidan taxtdan chetlatilgan. Bir so‘z bilan aytganda, bu sulola salkam 500 yil hukmronlik qilgan.
Keng kitobxonlar ommasi uchun mo‘ljallangan ushbu risola zikr etilgan sulolaning bir qismi bo‘lmish Boburiylar avlodiga bag‘ishlanib, Zahiriddin Muhammad Boburdan Sirojiddin Bahodirshoh II gacha bo‘lgan ba’zi tarixiy voqealarni qamrab olgan.
- 84
- 233
Muxtasar
Zahiriddin Muhammad Bobur
Boburning aruz haqidagi risolasi 1561 yil Hoji Muhammad Samarqandiy tomonidan ko‘chirilgan nodir qo‘lyozma nusxasi asosida birinchi bor nashrga tayyorlandi. Risolada o‘zbek aruzi arab, fors-tojik aruzi sistemasi bilan qiyosiy bayon qilingan. Shuningdek, asarda XIV—XVI asrlarda ijod qilgan qator shoirlarning nodir asarlaridan misollar keltirilgan. Ushbu risola o‘zbek va boshqa tukiy xalqlarning she’riyat nazariyasi va tarixini o‘rganishda muhim manba va qo‘llanma bo‘lib xizmat qiladi.
Kitob so‘z boshi, risolaning hozirgi o‘zbek grafikasidagi transliteratsiyasi, faksimil nashri, izoh va ko‘rsatkichlar bilan ta’minlangan.
Bu asar aruzshunoslar, adabiyotshunoslar va aruz ilmi bilan qiziquvchi keng kitobxonlar ommasiga mo‘ljallangan.
- 60
- 323
Buyuk Boburiylar tarixi
N.G'.Nizomiddinov
Mustaqillik yillari, taqdir taqozosi bilan chet ellarda yashagan ajdodlarimizning hayoti, ijodi va faoliyatining ilmiy jihatdan yoritilishida, tom ma’noda, muhim bir davr bo'ldi desak, mubolag'a emas. Binobarin, boburiylar tarixi yuzasidan amalga oshirilgan barcha ishlar ham shular jumlasidandir.
Ayni shu sa’y-harakatlarning mantiqiy davomi bo‘lgan monografiya, mazkur sulolaning ijtimoiy-siyosiy xayoti, diniy-ma’rifiy qadriyatlari, madaniyati, adabiyoti xamda san’ati kabi mavzularning yahlit ilmiy tahlili va tadqiqiga bagishlangan.
- 75
- 232