Janrlar
Teglar
Eng ko'p o'qiladigan adabiyotlar
Гоблинлар қўриқхонаси
Клиффорд Саймак
Америкалик фантастик-ёзувчи Клиффорд Саймакнинг "Гоблинлар қўриқхонаси" романи фентези жанрида яратилган энг ажойиб асарлардан ҳисобланади. Унда ер шарида инсонлардан анча аввал пайдо бўлган.
"Митти элат" - эльфлар, троллар ва гоблинлар қаторида ҳад-ҳудудсиз коинотнинг кўз илғамас пучмоқларидан келган ва ақл бовар қилмас шакл-шамойилларидаги беҳисоб онгли мавжудотларни учратасиз. Улар иштирокидаги ажойиб–ғаройиб воқеаларнинг шиддат билан ривожланиши ўқувчининг ақлини шошириб қўяди.
Алберт Эйнштейндек мутафаккир олим "тасаввур билимдан кучлироқ" деганида ҳар томонлама ҳақ эди. "Гоблинлар қўриқхонаси" асарининг ўзбек тилида нашр этилиши ёшларимизда коинот ҳақидаги билимлардан ташқари қудратли тасаввурни ҳам ривожлантиришга хизмат қилиши шак-шубҳасиздир.
- 240
- 490
Тиллафуруш
Боқий МИРЗО
"Тиллафуруш" романи ёзувчи Боқий Мирзонинг биринчи йирик нашрий асари сифатида "Бегойим" газетасида босилгандан кейин мухлислари янада кўпайди.
Сабаби асар ҳаётий воқеалар асосига қурилган. Бойлик туфайли икки аёл ўртасида пайдо бўлган низо ва душманликни тасвирлар экан, муаллиф ҳаётийликдан чекинмайди, бойликка ружу қўйиш оқибатлари, инсон феълида пайдо бўлган салбий ўзгаришларни мустаҳкам ахлоқий меъёрларга таянган ҳолда таҳлил қилади. Хулоса чиқаришни эса китобхоннинг ўзига қолдиради. Асарни ўқиб кўргач, ўзингиз ҳам бунга амин бўласиз.
- 313
- 451
Мувозанат
Улуғбек Ҳамдам
Асар шу кеча ва кундуздаги Сиз ва Биз ҳақимизда. Унда халқнинг турли қатламларига мансуб ва ҳар хил соҳаларда ишлайдиган қатор қаҳрамонларни ўзида жам қилган битта умумий боғ мавжуд: у ҳам бўлса, мураккаб давримизнинг қайноқ нафаси, ўзига хос эврилишлари. Асар бош қаҳрамони Юсуф ана шу эврилишларда баъзан бой бериб қўйилган мувозанат сари талпиниб яшайди.
- 178
- 433
Қўрқинчли Теҳрон
Мушфиқ Козимий
Мазкур асар икки китобдан иборат бўлиб, унда ўтган аср бошларидаги воқеалар қаламга олинади. Орадан йиллар ўтган бўлса-да, ундаги ғоялар, ўлмас туйғулар, орзулар ва армонлар занжири ўз аҳамиятини йўқотмаган.
Бош қаҳрамон Фарруҳнинг эзгулик ва жаҳолат, нафс йўлидаги талатўпларга қарши кураши, қасосга ундаган турфа саргузаштлари ва Маҳинга бўлган соф муҳаббати икки романни бир-бирига узвий боғлаб турувчи умумий сюжет чизиғини ташкил этади.
"Қўрқинчли Теҳрон" дунё адабиёти хазинасидан ўрин олган асарлар сирасига киради. Мушфиқ Козимий қаламига мансуб ушбу асар илмига ошуфта бўлинг, азиз китобхон.
- 293
- 528
Олтин бузоқ
Илья Ильф Евгений Петров
Совет ҳокимияти барпо қилингач, одамлар гўё элакдан ўтказилгандек, сараги саракка, пучаги пучакка ажралди. Саралари янги совет тузумига халол хизмат қила бошлади. Пучаклари эса ўзини ҳар қаёққа ташлаб, харом-хариш йўл билан тирикчилик ўтказиш пайига тушди. Бундайлар шу даражага бориб етдики, ҳатто ўзларини Карл Маркснинг неварасимиз, Фридрих Энгелснинг жиянимиз, лейтенант Шмидтнинг ўғлимиз, деб чекка жойларда моддий ёрдам ола бошлашди.
Шуниси қизиқки, 1928 йилда лейтенант Шмидтнинг ўттизта "ўғли" тўртта "қизи" борлиги аниқланди. И. Илф ва В. Петров ўзларининг "Олтин бузоқ" сатирик романларида ана шундай товламачиларни, тухматчиларни ва қўли эгриларнинг астар-аврасини ағдарадилар. "Олтин бузоқ" "ўн икки стул" романининг давомидир.
- 306
- 661